Վարձի զեղչեր և արտոնություններ են սահմանված երկկողմանի ծնողազուրկ, ազատամարտիկների և սոցիալապես անապահով ընտանիքների երեխաների համար: Արտոնություններից օգտվում են նաև ուսման առաջավոր, համալսարանի հասարակական աշխատանքներին ակտիվ կերպով մասնակցող ուսանողները:

Հայաստանի Հանրապետությունում գործող ոչ պետական բուհերից հնագույնը "Գալիք" համալսարանն է: Այն հիմնադրվել է 1989 թվականին "Կոոպերատիվի մասին" օրենքի հիման վրա:

Համալսարանում մասնագիտություն ստացած շրջանավարտների մեծ մասը հաջողությամբ աշխատում է հանրապետության իրավապահ մարմիններում, բանկային, ֆինանսական կազմակերպություններում, զանգվածային լրատվության միջոցներում, հանրապետությունում գործող տարբեր միջազգային կազմակերպություններում։

Բուհում դասավանդում են հանրապետությունում ճանաչում ունեցող բարձրորակ գիտական և մանկավարժական կադրեր։ Բոլոր ֆակուլտետներում իրականացվում է օտար լեզուների խորացված ուսուցում, երկրորդ օտար լեզուն ուսանելու հնարավորություն։

Համալսարանի ուսանողների տրամադրության տակ են մասնագիտական հարուստ գրադարանը, առարկայական կաբինետները, շուրջօրյա ինտերնետը, ֆաքսը, էլեկտրոնային փոստը, ունի ժամանակակից համակարգչային տեխնիկայով ապահովված կաբինետներ, գործում է ինտերնետային կապը։

Ուսանողների ուժերով հրատարակվում է "Գալիք" բազմատիրաժ թերթը։

Ուսանողների արտադրական և նախադիպլոմային պրակտիկան կազմակերպվում է ՀՀ իրավապահ մարմիններում, բանկային և այլ ֆինանսական կազմակերպություններում, զանգվածային լրատվամիջոցների խմբագրություններում:

• Ռուսական կրթություն ունեցողները հայոց լեզվի թելադրության փոխարեն կարող են թելադրություն գրել ռուսերեն լեզվով։
• Օտար լեզուներ մասնագիտությունից բացի, մյուս բոլոր մասնագիտություններով համալսարանում տրվում է հեռակա ուսուցման հնարավորություն:
• Համալսարանում ուսուցանվող բոլոր մասնագիտություններով բակալավրիատի բազայի վրա գործում է նաև մագիստրատուրա՝ 2 տարվա ուսուցմամբ:
• Բարձրագույն կրթություն ունեցողներն անհատական ժամանակակարգով կարող են ստանալ երկրորդ մասնագիտություն:
• Համալսարանում գործում է նախապատրաստական բաժին, որտեղ կարող են ընդունվել միջնակարգ դպրոցն ավարտած, ինչպես նաև 10-րդ դասարան փոխադրված անձինք։
• Համալսարանն իրականացնում է եռաստիճան ուսուցում և պատշաճ գիտելիքներով կադրեր պատրաստում բակալավրիատի, մագիստրատուրայի և ասպիրանտուրայի մակարդակով:
• Համալսարանի բակալավրիատ ավարտածների հետ միասին մագիստրատուրա կարող են ընդունվել պետական և հավատարմագրված այլ բուհերի բակալավրի աստիճան ունեցող անձինք:
• Մագիստրատուրա ընդունվող այն դիմորդները, ովքեր ունեն բարձրագույն կրթություն և ուսումն ավարտել են "լավ" կամ "գերազանց" գնահատականներով` ընդունվում են հարցազրույցով:
• Բազային կրթություն չունեցող դիմորդները հանձնում են մեկ քննություն` մասնագիտական առարկայից:
  

1. Իրավագիտություն – քաղաքացիական իրավունք, սահմանադրական իրավունք, քրեական իրավունք /որևէ մեկը/,
2. Կառավարում /մենեջմենթ/ – տնտեսագիտության տեսություն, մենեջմենթ /որևէ մեկը/,
3. Լրագրություն – լրագրության տեսություն, մամուլի պատմություն /որևէ մեկը/,
4. Օտար լեզուներ – հիմնական օտար լեզու:
   

Ընդունելության համար ներկայացվում են հետևյալ փաստաթղթերը՝

ա/ դիմում,
բ/ կրթության վկայական /բնագիրը/,
գ/ 4 լուսանկար /3x4 չափի/,
դ/ անձը հաստատող փաստաթուղթ,
ե/ երկրորդ մասնագիտություն ստանալու համար դիմորդները ներկայացնում են նաև բարձրագույն կրթության դիպլոմի և միջուկի պատճենները։